Conferencia de Marcos Calles Lombao sobre “As paisaxes na Catedral de Lugo: “ventás” á natureza desde un Patrimonio da Humanidade”
16 de xaneiro
O inicio das actividades correspondentes ao ano 2024 tivo lugar con esta conferencia do doutor e director do Museo Diocesano e Catedraliceo de Lugo, Marcos Calles Lombao, que espertou grande interese no público que encheu o salón de actos da Deputación.
Nesta conferencia mostrou os resultados do estudo en profundidade das representacións de paisaxes que atesoura a Catedral de Lugo durante a Idade Moderna, véndose estas representadas en distintos soportes, como madeira ou pintura, realizadas desde o século XVI ao XVIII, así como nas localizacións máis destacadas da Catedral.
Dixo que as paisaxes na Catedral de Lugo teñen unha importancia transcendental, comezando a súa investigación polo antigo retablo da Capela Maior, colocado hoxe nas frontes dos testeiros do transepto, obra de Cornielles de Holanda do século XVI. Neste retablo a representación do Bautismo de Xesús no río Xordán é dunha gran beleza que se ve reforzada polas rochas e árbores que encadran esta simbólica escena, con San Xoán Bautista e Xesús de Nazaret no centro da mesma.
As paisaxes na Catedral de Lugo: "ventás" á natureza desde un Patrimonio da Humadidade
Martes, día 16, ás 20 horas, no salón da Deputación Provincial
Conferencia do director do Museo Diocesano e Catedralíceo, Marcos Gerardo Calles Lombao, que falará sobre “As paisaxes na Catedral de Lugo: "ventas" á natureza desde un Patrimonio da Humadidade”.
PROGRAMACIÓN PARA O 1º SEMESTRE DE 2024
LUGO PATRIMONIO
PROGRAMACIÓN PARA O 1º SEMESTRE DE 2024
XANEIRO
Día 16, martes
Conferencia de Marcos Gerardo Calles Lombao, sobre “As paisaxes na Catedral de Lugo: "ventás" á natureza desde un Patrimonio da Humadidade”.
De 19,30 a 20 h., anotacións para a viaxe a A Coruña o día 24 de febreiro, prezo 35 € e Sintra (Portugal) os días 5 ao 8 de maio, sobre 500 €.
Día 27, sábado
Visita guiada á Catedral de Lugo as 11,30 h. Lugar de encontro na fachada principal.
FEBREIRO
Día 27, martes
Conferencia de Juan David Díaz López sobre “A arquitectura do eclecticismo: pompa e fantasía para a cidade burguesa”.
De 19,30 a 20 h., anotacións para a viaxe do 16 de marzo aos pazos de Oca e Santa Cruz de Rivadulla. Prezo 40 €.
Día 24, sábado
Viaxe a A Coruña para ver as exposicións "Viajar para pintar. Sorolla en Galicia", no Museo de Belas Artes e a de fotografía de Helmut Newton, así como ao novo Museo de Automoción e Historia. Saída ás 9 h.
Asemblea xeral, elección da directiva, festa dos socios
Día 16 de decembro, sábado
ás 12,00 horas
Salón de actos da Deputación Provincial
Asemblea xeral, elección da directiva, festa dos socios
Viaxe a Vilanova de Lourenzá
18 de novembro
A última viaxe do ano foi a Vilanova de Lourenzá, con motivo de ser Francisco Fernández del Riego, persoeiro das Letras Galegas do ano 2023, natural desta vila. A visita estivo asistida por Justa, guía oficial do Concello, comezando ás 11 horas na praza que hai diante do edificio que foi a cámara abacial do antigo mosteiro de San Salvador, hoxe Casa do Concello, e da igrexa, onde fixo unha introdución histórica para falar de Osorio Gutiérrez, coñecido como O Conde Santo, fundador do mosteiro a mediados do século X, o seu proceso de desenvolvemento, coa integración na Congregación dos bieitos de Valladolid a principios do século XVI, e o seu declive, así como da construción da igrexa, coa súa magnífica fachada obra de Fernando de Casas Novoa, explicacións que continuaron no interior onde chama a atención a súa estrutura así como o retablo maior deseñado por Ventura Rodríguez.
Viaxe a Vilanova de Lourenzá.
Día 18 de novembro, sábado
Viaxe a Vilanova de Lourenzá.
Saída ás 9 horas
Conferencia de Javier Gómez Darriba sobre “O Mosteiro de Vilanova de Lourenzá”
7 de novembro de 2023
Como actividade previa á visita prevista para o día 18 de novembro a Vilanova de Lourenzá, o doutor en Historia da Arte e investigador no Departamento de Patrimonio Histórico Artístico da diocese de Lugo, Javier Gómez Darriba, fixo unha pormenorizada descrición do mosteiro de San Salvador de Vilanova de Lourenzá, comezando pola figura do seu fundador, Osorio Gutiérrez, coñecido popularmente como O Conde Santo, un personaxe un tanto escuro polo pouco que se sabe del, basicamente un conxunto de datos presentes no Tumbo de Lorenzana, custodiado no Archivo Histórico Nacional de Madrid, o cal contén máis de 200 escrituras sobre a fundación, propiedades, etc. do mosteiro entre os séculos X-XIII.
Táboa Redonda sobre “O Seminario de Estudos Galegos en Lugo”
3 de outubro
Con motivo do Centenario da fundación do Seminario de Estudos Galegos, organizouse este coloquio en colaboración co Museo do Pobo galego, sobre a pegada do Seminario a través do labor docente de Ricardo Carvalho Calero, Xosé Filgueira Valverde e Antonio Fraguas Fraguas, no que participaron María Pilar García Negro, Antonio Prado Gómez e Adolfo de Abel Vilela, para falar de cada un deles na súa etapa lucense.
Actuou de moderador, Felipe Arias Vilas que fixo a presentación e introdución salientando a importancia global do SEG na cultura de Galicia na primeira metade do s. XX e a moita incidencia que tivo nos seus epígonos.
Conferencia Javier Gómez Darriba sobre “O Mosteiro de Vilanova de Lourenzá”.
Día 7 de novembro, martes
ás 20 horas
Salón de actos da Deputación Provincial
Conferencia Javier Gómez Darriba sobre “O Mosteiro de Vilanova de Lourenzá”.
De 19:30 a 20 horas
Anotacións para a viaxe a Vilanova de Lourenzá.
Anotacións para a viaxe a Vilanova de Lourenzá.
Día 7 de novembro, martes
ás 20 horas
Salón de actos da Deputación Provincial
Conferencia Javier Gómez Darriba sobre “O Mosteiro de Vilanova de Lourenzá”.
De 19:30 a 20 horas
Anotacións para a viaxe a Vilanova de Lourenzá.